Akademie Reformia open sy deure vir die eerste keer op 14 Januarie 1997 – by die Gereformeerde kerk Suid-gemeente. Daar was 6 onderwysers en 32 leerlinge met Mnr. Willem Dickenson as waarnemende hoof.
Mev. Jakkie Myburgh het van Julie 1997 tot Januarie 2001 as hoof waargeneem.
Mev. Venita de Kock is in Februarie 2001 as ons skool se eerste volwaardige hoof aangestel. Sy was ons skool se hoof tot en met 2005.
Mev. Marietha Nel neem waar as hoof tot Desember 2005.
Mev. Vonkie Dickinson het in 2006 as hoof waargeneem.
Mev. Marietha Nel word ons tweede volwaarde hoof in Januarie 2007-2016. Juffrou Marietha soos ons haar ken, het vir tien jaar ons skool opgebou. Sy het ook met die hulp van ouers en onderwysers in 2008 ‘n hoërskool begin. Ons terrein was egter te klein en geld te min en daarom is die hoërskool se deure 2012 gesluit.
Na vele fondsinsameling-projekte, vergaderings en baie harde werk verhuis Akademie Reformia amptelik na hulle nuwe perseel in Akademiestraat, langs Veldspaatstraat, in Januarie 2015. 19 Januarie 2015 open die skool op die nuwe terrein met die pragtige groot sportveld. Die ouers en Juffrou Marietha en haar gesin het eiehandig die skool gebou.
Mnr. Hennie Combrink word die eerste manlike en derde volwaardige hoof in Januarie 2016 – April 2022.
Daarna het Mev. Natasha Fourie waargeneem van April 2022 tot Oktober 2022. Mev. Fourie word aangestel as die vierde volwaardige hoof in Oktober 2022 tot huidiglik.
Akademie reformia bied:
- ‘n Skool wat onafhanklik van die staat funksioneer.
- Bystand aan verbondsouers om hulle doopbelofte teenoor God na te kom.
- Uitstekende akademiese onderrig.
- ‘n Kleuterskool op die skoolterrein met naskoolfasiliteite en vakansiesorg.
- ‘n Nasorgsentrum vir leerlinge tot 17:10
- Kultuur - Redenaars, Eisteddfod, Rapportryers, Koor, Klokkies, Reffie Rym en Ritme
- Sport - Atletiek, Bulletjierugby, Rugby, Mini-netbal, Netbal, Landloop, Fietsry, Mini-hokkie, Hokkie
- Ekstra vakke - Robotika, Slim keuses, Bybel, Geloofsleer,
- Buitemuurs op ons terrein - Voortrekkers, Tennis, Ballet, Witjassies, Brain gain.
- Georganiseerde skoollewe waar u kind in geborgenheid aangespoor word tot optimum prestasie.
EKSTRA VAKKE
- Robotika
- Slim keuses
- Bybel
- Geloofsleer
Doelstelling
Elke kind te sien as ‘n unieke skepsel van God.
Te aanvaar dat elke kind in sonde ontvang en gebore is, maar ook
deur die bloed van Jesus Christus van sy sonde verlos is.
Te glo dat elke kind onder leiding van die Heilige Gees ‘n
vrugbare lewe tot eer van God kan lei.
In ons beoefening van die wetenskap die lig van die Bybel te
laat skyn.
Ons Christenskap prakties uit te leef soos wat dit deur die Drie
Formuliere van Eenheid (Heidelbergse Kategismus, Nederlandse Geloofsbelydenisen die Dordtse Leerreëls) verduidelik word.
Aan die leerlinge ‘n edele werksetiek voor te hou gemotiveer
deur die wete dat alles wat ons doen tot eer van God gedoen moet word.
Tot voordeel die beste onderrig in hul moedertaal naamlik
Afrikaans.
Leerlinge hiervandaan die lewe in te stuur met volle
menswaardigheid en ten volle toegerus om met ‘n Christelike
lewens- en wêreldbeskouing hulle plek in die samelewing te gaan volstaan.
Om groter ouerbetrokkenheid te bewerkstellig deur volgehoue
skakeling.
Gesonde finansiële beplanning en beheer te alle tye toe te pas.
Hoë standaarde op akademiese, kulturele en
sportgebied na te streef.
Die skoollied
Waar die eerste goud ontdek
is en die Bosveldwinde waai,
waar haakdoring en waaigras
onder blou lug swaai en draai,
het ons rotsvas fondamente,
digby Ysterberg se rand,
is ons hier gebind deur
keuse, is een geloof ons band.
Akademie Reformia, aan God alleen die eer.
Gemotiveer en toegerus, ons
kennis word al meer
Soli Deo Gloria in huis en skool en kerk
Reformia, in diens van God
vir elke goeie werk
Ons is jong olyfboomtakkies,
in ons wese die verbond
met die Woord van God as
basis in die belofte vas gegrond
in ons harte blink die
goudstof van die ligstraal uit die Woord
en in ons taal, in ons
kultuur, gaan ons vasberade voort.
Akademie Reformia, aan God alleen die eer
Gemotiveer en toegerus, ons
kennis word al meer
Soli Deo Gloria in huis en skool en kerk
Reformia, in diens van God
vir elke goeie werk